Þjónustugjöld

Þjónustugjöld - yfirlit
Þjónustugjöld og kostnaður í hverju landi fyrir sig er greiddur á mismunandi tíma í ferlinu. Nánari útlistun á þjónustugjöldum og öðrum gjöldum er neðar á síðunni. 

Árgjald Íslenskrar ættleiðingar er 3.500 krónur fyrir einstakling. 

* Við heimkomu er hægt að sækja um ættleiðingarstyrk sem í dag (12.1.2024) er 823.108 kr (ef börnin eru tvö verður styrkurinn 987.730) og styrk frá stéttarfélagi sem er um 100.000-200.000 kr (fer eftir stéttarfélagi)

“Er ættleiðing fyrir mig?”  
Gjald fyrir hvern þátttakanda kr. 86.100
Samkvæmt lögum um ættleiðingar frá 31.desember 1999 er umsækjendum um forsamþykki skylt að leggja fram staðfestinu á að þeir hafi sótt námskeið um ættleiðingar erlendra barna. Sækja þarf undirbúningsnámskeið fyrir útgáfu forsamþykkis. Heimilt er þó að gefa út forsamþykki áður en umsækjendur hafa sótt námskeið samkvæmt 1. mgr. 30.gr. laga nr. 238/2005 um ættleiðingar hafi slíkt námskeið ekki verið haldið frá því að umsókn um forsamþykki barst sýslumanni og öll önnur skilyrði fyrir útgáfu þess eru uppfyllt. Sé slíkt forsamþykki gefið út skulu umsækjendur staðfesta skriflega að þeir muni sækja fyrsta mögulega námskeið. 

Umsókn um forsamþykki
Umsóknargjald kr. 195.000
Sundurliðun: 
Fyrsta viðtal kr. 15.750
Tæknileg aðstoð kr. 15.750
Fræðsla um megininntak laga kr. 15.750
Máttur tengslanna kr. 6.195
Viðtal hjá barnalækni kr. 16.667
Upphafið og tengsl kr. 15.750
Fræðsla til barnaverndar kr. 15.750
Að verða og vera foreldri kr. 15.750
Ættleidda barnið kr. 15.7500
Upprunalönd kr. 15.750
Viðbragðssjóður kr. 21.000
Ráðgjafaviðtal kr. 15.750
Umsýslugjald kr. 9.388

Umsóknargjald vegna forsamþykkis skal greitt við skráningu hjá félaginu.
Fyrsta viðtal er greitt við skráningu á viðtali og dregst þá af umsóknargjaldi. Tæknileg aðstoð er aðstoð skrifstofu við umsækjendur um forsamþykki, símtöl, tölvupóstur o.s.frv. Fræðsla um megininntak laga fer fram við undirskrift samnings um þjónustu varðandi ættleiðingu.  Allir fá viðtal hjá barnalækni í umsóknarferlinu. Upphafið og tengsl, Að vera og verða foreldri, Ættleidda barnið og Upprunalönd eru allt fræðslur samkvæmt fræðsluáætlun félagsins. Fræðsla til barnaverndar er til að samhæfa mat á umsækjendum og veita þeim betri möguleika á pörun í framtíðinni. Viðbragðssjóður er hugsaður fyrir þær fjölskyldur sem verða fyrir óvæntum áföllum eftir að þau hafa samþykkt pörun og ekki verður að ættleiðingu barns. Umsækjendur eiga rétt á einu viðtali hjá ráðgjafa félagsins í þessu ferli, ef þeir óska eftir frekari þjónustu er greitt aukalega fyrir það. Umsýslugjald er 5%.

Umsóknargjald
Umsóknargjald kr. 165.400
Sundurliðun:
Tæknileg aðstoð kr. 15.750
Sendingakostnaður kr. 15.750
Næstu skref og biðin kr. 15.750
Viðtöl hjá ráðgjafa kr. 63.000
Viðhald ættleiðingarsambanda kr. 47.250
Umsýslukostnaður kr. 7.900

Umsóknargjald vegna umsóknar til upprunalands skal greitt áður en að umsókn er send út. 
Tæknileg aðstoð er aðstoð skrifstofu við umsækjendur varðandi umsókn til upprunalands. Sendingakostnaður umsóknarinnar miðast við gjaldskrá DHL. Næstu skrefin er fræðsla samkvæmt fræðsluáætlun félagsins. Viðtal hjá ráðgjafa eru viðtöl hjá ráðgjöfum félagsins vegna árlegrar uppfærslu á umsókn í upprunaríki. Gert er ráð fyrir að biðtíminn sé tvö ár og að umsækjendur greiði fyrir tvö viðtöl hvort ár. Viðhald ættleiðingarsambands er til að auðvelda félaginu að standa vörð um hagsmuni félagsmanna með heimsóknum til upprunalanda barnanna. Umsýslugjald er 5%.

Pörun við barn
Þjónustugjöld vegna pörunar kr. 149.900
Sundurliðun:
Viðtal hjá barnalækni kr. 14.537
Viðtal hjá ráðgjafa kr. 15.750
Viðtal hjá fjölskyldufræðingi kr. 25.000
Fræðsla Barnið mitt / barnið okkar kr. 23.713
Ferðafræðsla kr. 15.750
Aðstandendafræðsla kr. 31.500
Tæknileg aðstoð kr. 15.750
Umsýslugjald kr. 7.900

Þjónustugjald vegna pörunar skal greiða eftir að verðandi foreldrar hafa fengið upplýsingar um að þeir hafa verið paraðir við barn og skal greiðast áður en að þeir fara til upprunalandsins. 
Verðandi foreldrar fá viðtal hjá barnalækni til að meta upplýsingarnar. Verðandi foreldrar fá viðtal hjá félagsráðgjafa félagsins til að meta upplýsingar um þroska barnsins. Barnið mitt/barnið okkar er fræðsla samkvæmt fræðsluáætlun félagsins. Félaginu ber að aðstoða verðandi foreldra við ferðalagið samkvæmt reglugerð, þetta er fræðsla sem er samkvæmt fræðsluáætlun. 

Aðstandendafræðsla fer fram á meðan fjölskyldan er í upprunaríki barnsins og er stíluð inná fræðslu fyrir nánustu fjölskyldu og vini foreldra barnsins. Tæknileg aðstoð er önnur aðstoð og samskipti við upprunaríkið og verðandi foreldra í þessum stað í ferlinu. Umsýslugjald er 5%.

Heimkoma
Þjónustugjöld við heimkomu kr. 116.000
Eftirfylgd ráðgjafa kr. 47.250
Aðlögun í leikskóla kr. 31.500
Aðlögun í grunnskóla kr. 31.500
Umsýslugjald kr. 5.750

Gjald við heimkomu skal greiðast við heimkomu fjölskyldunnar til Íslands eftir að ættleiðingarstyrkur er afgreiddur frá Vinnumálastofnun. Eftirfylgd ráðgjafa félagsins er þrisvar eftir heimkomu. Sú fyrsta viku eftir heimkomu, svo mánuð eftir heimkomu og að lokum þrem mánuðum eftir heimkomu. Ráðgjafi félagsins fundar með foreldrum og starfsfólki skólans vegna aðlögunar barnsins í leikskóla, það sama á við um þegar barnið hefur grunnskólagöngu. Ef barnið er á grunnskólaaldri fellur gjald vegna aðlögunar í leikskóla niður.
Umsýslugjald er 5%.

Að auki...

• Umsækjendur greiða fyrir þau vottorð sem safna þarf með umsókn um forsamþykki.
  
• Umsækjendur greiða fyrir þau vottorð sem safna þarf með umsókn til upprunaríkis og greiða fyrir stimplun hjá sýslumannsembættinu og utanríkisráðuneytinu.
• Allur ferðakostnaður, sem og uppihald í upprunalandi er greiddur af umsækjendum sjálfum. Þá greiða umsækjendur sjálfir fyrir þýðingarkostnað á gögnum vegna umsóknar sinnar og fyrir aðstoð tengiliðar í upprunalandinu. Þessi kostnaður getur verið mismunandi hár milli landa þar sem t.d. er mismunandi hversu lengi umsækjendur þurfa að dvelja í upprunalandinu og hversu margar ferðir þarf að fara þangað. 
• Umsækjendur greiða jafnframt sjálfir fyrir gerð eftirfylgniskýrslna og þýðingu þeirra, Íslensk ættleiðing sér um að fá þær stimplaðar og sendir út.

Kostnaður við að skipta um land 61.228 kr.
Gjald sem fellur til ef umsækjendur ákveða að skipta um land. Gjaldið fer í að greiða þann kostnað sem til verður vegna þess að hefja þarf nýtt umsóknarferli fyrir nýtt land. Þessi kostnaður á eingöngu við þá sem hafa nú þegar sent gögnin sín til erlends ríkis

Ráðgjöf hjá lækni vegna lista yfir skilgreindar þarfir 16.667 kr.
Hægt er að óska eftir viðtali hjá lækni til að yfirfara listann. Viðtalið fer fram hér á skrifstofu Íslenskrar ættleiðingar. Listinn fylgir svo umsókn um forsamþykki til sýslumanns á höfuðborgarsvæðinu. Hægt er að panta tíma hér

Önnur þjónusta
Viðtal vegna upprunaleitar kr. 15.750
Fræðsla vegna aðlögunar barns á leikskóla kr. 31.500
Viðtal vegna aðlögunnar barns á leikskóla kr. 15.750
Fræðsla vegna aðlögunar barns í grunnskóla kr. 31.500
Viðtal vegna aðlögunar barns í grunnskóla kr. 15.750
Ráðgjafaviðtal kr. 15.750 - 17.000
Eftirfylgd vegna ættleiðingar kr. 47.250

Gjöld sem ekki renna til ÍÆ 
Hér er um að ræða önnur gjöld sem umsækjandi þarf að greiða ýmist beint til Íslenskrar ættleiðingar sem sér um að greiða viðkomandi gjöld beint áfram til samstarfsaðila eða gjöld sem umsækjendur leggja út fyrir sjálfir án aðkomu ÍÆ.

Þýðingarkostnaður 100.000 – 250.000 kr.
Kostnaður við að þýða öll gögn vegna umsóknar er ólíkur eftir löndum og getur hlaupið á bilinu 100.000 kr. – 250.000 kr. en þar munar helst um ólíkar kröfur landanna um nauðsynleg gögn sem fylgja þurfa umsókn.

Vottorð og önnur gögn (áætl)
Hjúskaparvottorð 2.700 kr.
Sambúðarvottorð 2.700 kr.
Fæðingarvottorð 2.700 kr.
Sakavottorð 2.500 kr.
Notarius Publicus 2.700 kr.
Apostille 2.700 kr.
Læknisvottorð 5.000 kr.
Staðfest skattskýrsla 4.000 kr.
Bólusetningar 10-30.000 kr

Smáa letrið

• Þjónustugjöldin taka breytingum samkvæmt vísitölu neysluverðs og er uppreiknuð í takt við hana 1. janúar ár hvert.
• Verðskráin tekur mið af því að kostnaður í upprunaríki breytist ekki. Til að geta brugðist við verðskrárbreytingum í upprunaríki áskilur Íslensk ættleiðing sér rétt til að breyta verðskránni ársfjórðungslega, eða þann 1/1, 1/4, 1/8 og 1/11.
• Öll gjöld eru óafturkræf.