Fréttir

Kæru félagar

Íslensk ættleiðing minnir á aðalfund félagsins í kvöld kl. 20:00 á Hótel Hilton. 
Samkvæmt samþykktum félagsins er dagskrá fundarins eftirfarandi.

1. Skýrsla stjórnar
Formaður Íslenskrar ættleiðingar, Elísabet Hrund Salvarsdóttir flytur skýrslu um síðastliðið starfsár.
2. Ársreikningur 2017
Ársreikningur síðastliðins árs lagður fram. Farið yfir helstu kennitölur í ársreikningnum og hann borinn upp til samþykktar.
3. Kjör stjórnar
Að þessu sinni eru þrjú sæti til stjórnar félagsins laus. Fjórir frambjóðendur hafa gefið kost á sér og þarf því að kjósa á milli þeirra. Frambjóðendur voru kynntir í síðasta fréttabréfi og er hægt að skoða kynninguna hér.
Þeir sem hafa ekki tök á að koma á aðalfundinn geta gefið umboð til að koma atkvæði sínu til skila á fundinum.
Umboð er hægt að nálgast hér.
Skuldlausir félagsmenn einir hafa atkvæðisrétt á fundum félagsins og eru kjörgengir til embætta á þess vegum. Börn sem eru á félagaskrá að beiðni foreldra og greiða hálft félagsgjald eru ekki kjörgeng og hafa ekki atkvæðarétt á félagsfundum.
4. Ákvörðun árgjalds
Aðalfundur leggur til upphæð árgjalds og leggur það fram til samþykktar.
5. Lagabreytingar
Breytingar á samþykktum þarf að skila inn fyrir 31.01. Engin breyting var lögð fram að þessu sinni.
6. Önnur mál

Hlökkum til að sjá ykkur