Fréttir

Nú um mánaðarmótin lét Rut Sigurðardóttir af störfum hjá Íslenskri ættleiðingu, en hún hefur starfað hjá félaginu frá árinu 2017. Rut hefur fengið vinnu sem Málstjóri hjá Reykjavíkurborg en mun aðstoða félagið áfram sem verktaki við fræðslu og stuðning.

Rut kom fyrst til starfa sem félagsráðgjafi og nú síðustu ár líka sem fjölskyldufræðingur hjá Íslenskri ættleiðingu. Hún hefur komið að þróun og uppbyggingu á fræðslu og þjónustu við ættleidda og fjölskyldur þeirra og verið ómetanlegur stuðningur við alla sem koma að málaflokknum og verið ötull við að auka þekkingu landsmanna á ættleiðingum. 

Íslensk ættleiðing þakkar Rut fyrir ánægjulegt samstarf með von um að það haldi áfram á öðrum vettvangi.