Fréttir

Svíar rannsaka möguleg misferli í. Mynd/AFP

Ráðist verður í op­in­bera rann­sókn á alþjóðleg­um ætt­leiðing­um sem hafa tekið sér stað síðustu 70 árin í Svíþjóð. Til­efnið er umræða sem hef­ur verið áber­andi upp á síðkastið um mögu­leg barn­arán og mis­ferli við ætt­leiðing­ar­ferl­in.

Rann­sókn­in mun sér­stak­lega taka fyr­ir ætt­leiðing­ar á börn­um frá Síle og Kína en und­an­farið hafa komið upp á yf­ir­borðið gögn sem benda til þess að ekki hafi allt verið með feldu í þeim ætt­leiðing­ar­ferl­um.

Anna Sin­ger, pró­fess­or í fjöl­skyldu­rétti við Upp­sala Há­skóla hef­ur verið skipaður yf­ir­maður rann­sókn­ar­inn­ar. Vænta má niður­stöðu í nóv­em­ber 2023.

„Rann­sak­and­inn mun skoða hvort að eitt­hvað óvana­legt hafi komið upp á varðandi þau lönd þar sem flest­ar ætt­leiðing­arn­ar áttu sér stað, auk þess mun hann skoða þau lönd þar sem grun­ur leik­ur á um að eitt­hvað óvana­legt hafi átt sér stað,“ sagði Lena Hal­lengren fé­lags­málaráðherra í Svíþjóð.

Börn­um rænt og logið að mæðrum

Sænsk­ir fjöl­miðlar hafa í gegn­um árin vakið at­hygli á ýms­um mis­ferl­um er varða þessi ætt­leiðing­ar­ferli. Meðal ann­ars frá til­vik­um þar sem að mæðrum hef­ur verið talið trú um að ný­fædd unga­börn þeirra hafi fæðst and­vana, þvinguðum ætt­leiðing­um, mann­rán­um og fölsuðum gögn­um um ætt­leiðing­ar.

Rann­sókn­in kem­ur í kjöl­far vax­andi ótta um að börn­um hafi verið stolið og færð til ætt­leiðing­ar án vitn­eskju líf­fræðilegu for­eldra þeirra.

Skoðaðar verða reglu­gerðir í Svíþjóð er varða ætt­leiðing­ar frá 1950 fram til dags­ins í dag. Rúm­lega 60 þúsund börn voru ætt­leidd á því tíma­bili, aðallega frá Suður-Kór­eu, Indlandi, Kól­umb­íu og Srí-Lanka. Þá hafa yfir 4 þúsund börn verið ætt­leidd frá Kína, oft voru þetta börn sem yf­ir­völd sögðu hafa verið yf­ir­gef­in af for­eldr­um sín­um, að því er fram kem­ur í sænsk­um miðlum.

Ætt­leiðing­ar frá Kína og Síle sér­stak­lega tekn­ar fyr­ir

Þó nokk­ur hneykslis­mál hafa komið upp í tengsl­um við ætt­leiðingu barna frá Kína. Varða þau meðal ann­ars brott­nám barna sem fædd­ust í óþökk við stefnu lands­ins sem kveður á um tak­mörk­un íbúa­fjölda. Er talið að þeim börn­um hafi verið stolið og seld til ætt­leiðing­ar af hinu op­in­bera víða um heim.

Í Síle hafa ólög­leg­ar ætt­leiðing­ar barna einnig verið tek­in til skoðunar. Hafa þá ætt­leiðing­ar sem áttu sér stað í stjórn­artíð Augu­sto Pin­ochet frá 1973 til 1990 verið sér­stak­lega rann­sökuð.