Fréttir

Stjórnarfundur Íslenskrar ættleiðingar, miðvikudaginn 9.ágúst kl. 17:30. 

Mætt: Berglind Glóð Garðarsdóttir, Gylfi Már Ágústsson, Selma Hafsteinsdóttir, Sigríður Dhammika Haraldsdóttir, Sólveig Diljá Haraldsdóttir, Svandís Sigurðardóttir og Örn Haraldsson.   

Þá tók Elísabet Hrund Salvarsdóttir framkvæmdastjóri þátt í fundinum. 

Dagskrá stjórnarfundar   

1. Fundargerð síðasta stjórnarfundar  
2. 6 mánaða uppgjör 
3. Skýrsla skrifstofu  
4. Fundur með Dómsmálaráðherra - minnisblað 
5. Þjónustusamningur 
6. Hague – WG Financial Aspects 
7. ICAV – Webinar on Reunion and beyond - minnisblað 
8. Fræðsluáætlun haust 2023 
9. Önnur mál  

1. Fundargerð síðasta stjórnarfundar 
Fundargerð samþykkt  

2. 6 mánaða uppgjör 
Verið er að vinna í 6 mánaða uppgjörinu til að skila til dómsmálaráðuneytisins fyrir 1.september. 

3. Skýrsla skrifstofu 
Skrifstofa var lokuð frá 13.júlí til 8.ágúst. Unnið var í að aðstoða umsækjendur við að uppfæra gögn vegna beiðna frá UMPOD Tékklandi. Eins var undirbúin greinargerð fyrir DMR vegna mála sem félagið hefur þurft að stíga inn í. 

4. Fundur með Dómsmálaráðherra 
Minnisblað sem framkvæmdastjóri lagði fram var rætt. 

5. Þjónustusamningur 
Umræða um tillögu DMR að nýjum þjónustusamning frá 1.október 2023 til 31.12.2024. Áhyggjur af stöðu mála, framkvæmdastjóri beðin um að senda spurningar á 
ráðuneytið eftir sumarfrí. 
Samþykkt að senda tölvupóst á félagsmenn til að upplýsa um stöðu mála.   

6. Hague – WG Financial Aspects 
Framkvæmdastjóri segir frá vinnuhópi á vegum Haag stofnunarinnar fyrir hönd NAC, en verið er 
að skoða tengsl fjármuna við alþjóðlegar ættleiðingar. 

7. ICAV -  Webinar on Reunion and Beyond – minnisblað 
Minnisblað sem framkvæmdastjóri lagði fram var rætt. Í júlí hélt ICAV, alþjóðleg samtök uppkomina ættleiddra veffund um upplifun uppkomina ættleiddra 
á upprunaleit og því sem getur gerst eftir það. Mikilvægt fyrir félagið að heyra þessar raddir frá þeim 
sem hafa eigin reynslu.  

8. Fræðsluáætlun haust 2023 
Framkvæmdastjóri segir frá næsta erindi sem haldið verður 22.ágúst um Upprunaleit í gegnum DNA. Óskað eftir tillögu um önnur fræðsluerindi fyrir haustið, tillaga um að halda erindi um HAM, hugræna 
atferlismeðferð í október.  

9. Önnur mál 
a. Námskeiði „Er ættleiðing fyrir mig?“
Rætt um námskeiðið og stöðuna vegna skráninga og kostnaðar á námskeiðinu fyrir félagið.  

b. Nordic meeting -  ráðstefna 
Framkvæmdastjóri ítrekar við stjórn um norrænu ættleiðingarráðstefnuna sem haldin verður föstudaginn 
15.september, þema ráðstefnunnar er Adoption – a lifelong process. 

Fundi slitið kl. 19:00